ریاض: حرمین شریفین کی انتظامیہ نے رمضان المبارک کے دوران زائرین کی سہولت کے لیے خصوصی تیاری مکمل کر لی ہے۔ رپورٹ کے مطابق، انتظامیہ نے مسجد الحرام میں روزہ داروں کے لیے 56 لاکھ سے زائد افطار پیکٹس فراہم کرنے کا بندوبست کیا ہے۔
مسجد الحرام اور اس کے صحنوں میں وسیع پیمانے پر کیے گئے انتظامات میں 120,300 روشنیوں کا انتظام، 33,000 سے زائد نماز کے کارپٹ، 20,000 زمزم کولر، 11,000 سے زائد عملہ، 10,000 دستی وہیل چیئرز اور 8,000 اسپیکرز شامل ہیں۔
اسی طرح مسجد نبوی میں زائرین کی سہولت کے لیے 519 برقی سیڑھیاں، 400 برقی گولف گاڑیاں، 236 نماز کے مخصوص مقامات، 196 داخلی دروازے، 194 لفٹس اور 9,500 وضو خانے فراہم کیے گئے ہیں۔
رمضان المبارک کے دوران زائرین کی بہترین خدمت کے لیے مزید اقدامات میں 5 مقامات پر احرام کھولنے کے لیے مخصوص جگہیں، 2 سامان رکھنے کے مراکز، 6 مرکزی دروازوں پر سامان جمع کروانے کی سہولت اور 2 مقامات پر بچوں کی دیکھ بھال کے مراکز قائم کیے گئے ہیں۔
